Яз җитү белән балалар бакчасы коллективы үзенең территориясен, якын-тирә урамнарны чуп-чардан җыештыру эшендә зур активлык күрсәтә. 

24 апрель  көнне  Балтач мәдәният үзәгендә Г.Тукайның туган көненә багышланган республика күләмендә мәдәни чара уздырылды. Безнең балалар бакчасы балалары “Су анасы” әкитенең сәхнәләштергән күренешен күрсәттеләр.  Нәни артистларга “Әфарин, булдырдыгыз!” - дибез, чөнки алар башкарган күренеш тамашачылар күңеленә хуш килде.  Балалар бакчасы коллективы сертификат һәм Грамота белән бүләкләнде.

Апрель аенда район мәктәпкәчә белем учреждениеләре арасында “Г.Тукай әсәрләрендәге яраткан геройлар”  исемле сәхнәләштерелгән күренешләр конкурсы игълан ителде.  Зурлар төркеме балалары бик тырышып “Су анасы” әкитен сәхнәләштерергә өйрәнделәр. Тырышлыклары юкка китмәде – район буенча I урынны алдылар. (тәрбиячеләр: Хазиева Е.П., Галимуллина Г.М., Валиева Л.Э, музыка җитәкчесе: Юсупова У.З.) Әфарин, балалар! Әфарин, апалар! 

Ел фасылы апрель аен без бик сагынып көтеп алабыз. Әлеге ай безгә үзенең сайрар кошларын, шау-шулы гәрләвекләрен, җылы көннәрен генә  генә түгел, татар халкын бөтендөньяга таныткан бөек шагыйрь Г.Тукайны да бүләк иткән ай. Балалар бакчасында “Туган тел” айлыгы кысаларында Г.Тукай иҗатына багышланган бик күп чаралар үткәрелә. Шуларның берсе – “Тукай әкиятләре бездә кунакта” – педагогларның кул эшләре күргәзмәсе.

Мәктәпкә әзерлек төркеме балалары Балтач үзәк китапханәсенә экскурсиягә бардылар. Китапханәче апалар балаларга бик файдалы, кызык һәм дә мавыктыргыч интеллектуаль - уен әзерләгәннәр иде. Очрашуның темасы – “Әкиятләр илендә”. Балаларны  “Әкиятләр иленә” яраткан әкият геройлары – Маша һәм аю алып керде.  Балалар  табышмаклар чиштеләр, әкиятләрдән өзекләр тыңладылар. Шундый файдалы очрашу оештырганнары өчен без үз ягыбыздан зур рәхмәтебезне җиткерәбез.

18 апрель көнне Балтач мәдәният үзәгендә “Ак калфак” татар хатын-кызлар республика иҗтимагый оешмасы вәкилләре белән очрашу үткәрелде. Әлеге вакыйгадан безнең балалар бакчасы да читтә калмады: кулдан бизәлгән татар милли киемендәге курчакларны, милли тәрбия бирү юнәлешендә алдынгы эш тәҗрибәбезне яктырткан материалларны күргәзмәгә тәкъдим иттек.

Язның апрель ае иң сагынып, көтеп алган айларның берседер, мөгаен. Апрель ае безгә шау-шулы язлары, сайрар  кошлары, җылы кояшлары белән әйләнеп кайта. Апрель аен без шуңа да сагынып көтәбез – бу айда безнең яраткан шагыйребез Г.Тукай туган. Әлеге истәлекле вакыйгага әзерлек эшләре күптән башланды инде. Зурлар төркеме балалары, мәсәлән,  “Су анасы” әкиятен сәхнәләштерергә өйрәнәләр. Әлеге күренеш шулай ук район балалар бакчалары арасында уздырылган “Г.Тукай әсәрләрендәге яраткан геройлар” театраль конкурска  да тәкъдим ителде.

Мәктәпкәчә белем бирү учреждениесендә балаларда кечкенәдән ватанчылык  хисләре тәрбияләү, туган ил, туган илне саклаучылар турында беренчел күзаллаулар формалаштыру юнәлешендә даими эш алып барыла. 15 апрель көнне Балтач мәдәният үзәгендә тиздән армия сафларына хезмәт итергә китүче яшь ир-егетләр хөрмәтенә бәйрәм кичәсе үткәрелде. Безнең балалар бакчасында тәрбияләнүче малайлар бәйрәмгә “Десантлар” биюе бүләк иттеләр. 

Уртанчылар төркеме балалары "Канатлы дусларыбыз" проекты барышында күчмә кошлар турында белемнәрне төрле эшчәнлекләрдә, дидактик, үстерешле һәм хәрәкәтле уеннар аша өйрәнәләр.

Катаны бар - җилпеми

Эче җылы - җил тими.

Корыч йөрәкле кош ул, 

Безнең яраткан дус ул.