5-6 һәм 7-8 класслар арасында хоккей уеннары оештырылды. Классташларының уеннарын карарга барлык укучылар да килде.  8 класслардан торган команда җиңүче булды.

Яңа елны каршылау гадәте моннан якынча дүрт-биш мең ел элек Месопатамиядә башланып киткән. Инде ул чакларда ук кешеләр ел фасыллары алышынуын аңлаганнар, елның һәр фасылы кабатлануын зарыгып көткәннәр, бәйрәмнәр оештырганнар.

Ул вакыттан соң инде күп сулар аккан, күп гасырлар һәм еллар үткән. Календарьлар барлыкка килгән, илләр оешкан, диннәр туган, буыннар алмашкан, цивилизацияләр үзгәргән. Һәр халык, халык кына түгел - һәр кеше - Яңа елны үзенчә аңлый, үзенчә каршы ала. Кем өчендер Яңа ел ул туган көнне башланып китә, кемдер Ай календаре буенча елларны санап бара, ә кемдер Кояшка ориентлаша. Ә укытучы халкы "Яңа елны" 1 нче сентябрь көнне дулкынланып каршы ала...

2011 елда хөкүмәтебез тарафыннан Россиядә мәгариф системасын үзгәртүләр турында бик күп сүз ишетергә туры килде. Аларның барысы да президентыбыз әйтүе буенча мәгариф системасын яхшы якка үзгәртергә тиеш иде. Укытучыларга хезмәт хакын арттыру, барлык мәктәпләрне дә интернетка тоташтыру, укытучыларга фатирлар бирү, яшь белгечләргә барлык яктан ярдәм итү һ.б. Барлык күрсәтмәләр дә үтәлдеме соң? Россия регионнарында Сез уйлаган “яңа мәктәпләр” ни хәлдә? Россия президентына регионнардан юлланган рапортлар чынлыкта бөтенләй киресен күрсәтә кебек. Әйдәгез әле, бергәләп 2011 елны искә төшереп алыйк.

5-8 класс егетләре әтиләренә каршы хоккей уйнадылар. Уен әтиләрнең җиңүе белән тәмамланды.

Киләсе елның 21 февралендә Казанда “Татар лингвокультурологиясе: проблемалар һәм перспективалар” темасына III республикакүләм фәнни-гамәли конференция булачак.

Конференциядә фикер алышулар түбәндәге темаларга нисбәтле: татар лингвокультурологиясе мәсьәләләре: теория һәм практика; телнең җәмгыять һәм мәдәният белән бәйләнеше; телдә милли характерның чагылышы; тәрҗемәдә лингвокультурологик проблемалар; фольклор теленең этник үзенчәлекләре; татар язучылары һәм шагыйрьләре иҗатында дөнья сурәте чагылышы; югары (урта махсус) һөнәри белем бирү һәм төбәк мәдәнияте; тел берәмлекләренең этимологиясе һәм тарихы; лексикография һәм фразеографиядә лингвокультурология проблемалары; лексикада милли-мәдәни үзенчәлекләр; телдә рухи һәм матди мәдәниятнең чагылышы; телара багланышлар нәтиҗәсе буларак алынмалар; телләрне чагыштырма планда (татар-инглиз, татар-немец, татар-рус, татар-чуваш, татар-мари, татар-удмурт һ.б) өйрәнү тәҗрибәсе; җирле сөйләшләрдә милли менталитет чагылышы; телара багланышларда китапханә, музей һәм театрның роле һ.б.

 2011 елның төп вакыйгаларын искә төшереп, шатлыклы мизгелләрне дә, югалтуларны да күз алдыннан кичереп, хәтерне яңартыйк.

2012 елда урта һәм югары уку йортларына кабул итү тәртибенә үзгәрешләр кертеләчәк. Алар социаль яклауга мохтаҗ абитуриентларның ташламаларын чикләүгә бәйле.

Бу яңалык бөтенроссия бәйгеләрендә җиңүчеләр, бөтенләй ятим яки атасын я анасын югалтучылар, инвалидлар, 1, 2 төркем инвалид атаcы яки анасы гына булган һәм гаилә кереме уртача яшәү минимумыннан ким 20 яшькә кадәрге егет-кызларга, өч ел армия сафларында хезмәт итеп кайткан егетләргә кагыла. Документларны узган елдагы кебек биш вузга өчәр белгечлек буенча тапшыру мөмкинлегенә ия булсалар да, бәйгедән тыш алар бер генә урыннан уза алачак. Калган вузларга исә алар гомуми бәйге нигезендә кабул ителәчәк. Бу хакта "Российская газета" хәбәр итә.

Бүген мәктәптә 1- 6 сыйныфлар өчен Яңа ел кичәсе үткәрелде.

Бүген мәктәптә Бал-маскарад үткәрелде.

Бәйрәмнән фотолар һәм видерепортаж белән сайтның медиатека бүлегендә таныша аласыз.

Бүген классларда әти-әниләр җыелышлары