Мәктәп һәм бакча балалары бүген кадерле әби, бабайларын бәйрәмгә җыйнады. Алар өлкәннәребезгә җырлар, биюләр, шигырьләр бүләк иттеләр. Оныкларының йөрәк җылысын кушып ясаган бүләкләре өлкәннәребезне канатландырып җибәрде. Бәйрәм мул табын өстәле артында дәвам итте.

Районыбызның барлык ветеран мөгаллимнәре авылыбыз күрке булган чишмәләребезгә сәяхәт кылдылар. 

Тәрбияче- синен бәйрәм бүген

Җылы сүзләр Сезнең хөрмәткә.

Авыр хезмәтеңдә зур уңышлар

Лаеклы Син олы хөрмәткә!

Бәйрәмегез белән тәрбиячеләр!!!

Авылыбыз имамы Алмаз хәзрәт белән мәктәп укучылары арасында очрашу булып узды. Ул үзенең хаҗ сәфәре турында бик тәфсилләп сөйләде. Укучыларны кызыксындырган сорауларга җавап бирде.

Мәктәп һәм бакча балалары, Балтач районы эчке эшләр бүлегеннән килгән кунак, Раушания Ленаровна белән очрашты.

15 нче сентябрь көнне Балтач районы Бөрбаш җирлегендә экология елы кысаларында  “Туган як табигатен саклыйк” дип аталган слет узды. Бу слетта без, Бөрбаш Сәрдегәне башлангыч мәктәп- балалар бакчасы коллективы да катнаштык.  Мәктәп укучылары укытучылары белән берлектә кунаклар өчен чишмәләргә җәяүле экскурсия оештырдык. Чишмәләребезнең чисталыгы, төзеклеге барчасын да таң калдырды. Һәммәсе дә туган як чишмәләренә игътибарны арттырырга кирәк дигән фикер белән таралыштылар.

Мәктәп укучылары мәдәни көндәлекләр алды.

Август аенда башлангыч мәктәпкә ремонт ясалды: түбә профнастилга алыштырылды, җылы туалет булдырылды. Бу эшне оештырган район администрациясенә, мәгариф бүлегенә, Борбаш авыл җирлегенә; ярдәм иткән Борбаш җәмгыятенә, әти- әниләргә зур рәхмәтебезне җиткерәбез.

Авыл клубы мөдире Наилә Гильмулловна, терроризм куркынычы турында, мәктәп укучылары белән җанлы әңгәмә үткәрде.