"Әбиемнең күңел җылысы" кичәсенең икенче өлеше чәй табыны артында узды.

Бәйрәм хөрмәтенә укучылар тарафыннан бик матур эчтәлекле кичә үткәрелде. Бәйрәмгә шулай ук ветеран укытучыларыбыз да килде. Алар мәктәп турында истәлекләре белән уртаклаштылар, мәктәпне сагынып яшәүләрен сөйләделәр.

Балалар бакчасы коллективы һәм балалар укытучылар бәйрәме белән котлап шигырьләр сөйләделәр, чәчәкләр бүләк иттеләр.

Безнең Рашат 1 нчедә генә укыса да юл йөрү кагыйдәләрен белә инде.

9 нчы сыйныф үзләре тимурга йөргән Гөлнадия әбине Өлкәннәр көне белән котларга барды.

5 нче сыйныфлар "Әбиемә бүләк" акциясе кысаларында әбиләрне котларга өйләргә барачаклар.

Әбием, якыным, кабул ит бүләкләр,

Тик сиңа күңелдә иң изге теләкләр, дип 6 нчы сыйныф укучылары да котлау акциясендә катнашты.

2-3 нче сыйныф укучылары өчен дә бүген бик истәлекле көн булды. Әби-бабайларын үзләре ясаган бүләкләр һәм чәчәк бәйләмнәре белән сөендерделәр алар.

1 һәм 4 нче сыйныф укучылары бу көнгә бик тырышып әзерләнде. Бүген исә әби-бабайларны котларга бардылар.

Өлкәннәр көне  уңаеннан укучылар үзидарәсе әби-бабайларга багышлап газета чыгарды.