Бүген хәрби бурычларын үтәгәндә һәлак булган авылдашлар истәлегенә  ир-егетләр арасындаволейбол ярышы үткәрелде. Ярышта барлыгы 6 команда катнашты. Ярышларны оештыруны башлап йөрүче физик тәрбия укытучысы Галимов И.М.

Бүген хәрби бурычларын үтәгәндә һәлак булган авылдашлар каберләренә авылыбызның ир-егетләре, укучы малайлар, укытучы ир-атлар катнашында веноклар салынды.  

21 нче февраль - Туган тел көне уңаеннан 5-8 нче сыйныф укучылары шигырьләр сөйләделәр, тел, аның матур сүзлеге турында фикер алыштылар. Чараны "Туган тел" җыры белән тәмамладылар.

Укучылар мәктәптәге яңа стендлардагы мәгълүматлар белән танышуны дәвам итәләр. 8 нче сыйныфлар хәрби бурычларын үтәгәндә һәлак булган солдатлар, аларның тормыш юллары белән таныштырдылар..

Сугыш елларында эшләгән, үзләреннән Җиңүгә зур өлеш керткән тыл ветераннарына медаль тапшыру тантанасында укучыларыбыз да катнашты. Гарипова Фагыйлә, Гаязетдинова Диләфрүз, Бәхтиярова Халидә, Сабирова Гөлнадия, Хәйруллина Сания әбиләр, Аухадиев Рияз бабай бүләкне яшьле күзләре белән кабул итеп алдылар. 

Спорт-сәламәтлек һәм патриотик тәрбия айлыгы чараларының тагын берсе - башлангыч сыйныфлар өчен "Мальчиш-Кибальчиш" уены үткәрелде.

Башлангыч сыйныфлар чираттагы йөзү күнекмәләрен өйрәнүдә - "Дулкын" бассейнында булып кайттылар.

Бүген ТАССРның 100 еллыгы планы нигезендә, укучыларны төрле  һөнәр ияләре белән таныштыру максатыннан Арбор җәмгыяте икътисадчысы Аскаров Самат Г. укучылар белән очрашты, бик кызыклы әңгәмә оештырды. 

Бүген 5-9 сыйныф укучылары арасында "Замана балалары" бәйгесе үткәрелде.Физик тәрбия укытучылары Галимов И.М., Гайфуллин Г.Г. укучыларны интеллектуаль яктан да, физик әзерлек ягыннан да, хезмәт төрләрен белү ягыннан да сынап карадылар. Нәтиҗәләр шәхси беренчелеккә алдагы көнне чыгарылачак.

Бүген 9 нчы сыйныф укучылары рус теленнән йомгаклау әңгәмәсе үттеләр.