13 нче октябрьдә "Татарча диктант ЯЗ” акциясендә мәктәбебез укучылары, укытучылары, ата-аналар, Мәгариф идарәсе методистлары татар теленнән үзләренең белем дәрәҗәсен сынап карадылар. Чарада барлыгы 90 кеше катнашты. Иң кечкенә катнашучыга - 13, иң өлкән катнашучыга 60 яшь. Акциянең максаты – татар телендә хатасыз язарга өйрәнү, татар әдәби телен кулланучыларның даирәсен арттыру, орфографик һәм грамматик хаталарны тикшерү. Ләкин аның иң мөһим миссиясе – татарлыкны саклап калу.
Һәркем акциядә катнашып, татар телен, милли гореф-гадәтләребезне саклап калуга үз өлешен кертте. Чара ахырында кунаклар чәй табыны артында милли ризыклар белән сыйланды.