22 нче февраль  көнне Үзәк балалар китапханәсендә якташ язучылар – шагыйрьләр катнашында укучылар өчен “Илһамлы каләм” дигән әдәби кунакханә оештырылды. Анда районыбызның яшь каләм тибрәтүчеләре үзләренең иҗат җимешләрен тәкъдим иттеләр, “Гөлстан” әдәби берләшмәсе әгъзалары каршында чыгыш ясадылар. Безнең мәктәптән 8 нче В сыйныфы укучылары Заһидуллина Алия, Гатиятуллина Әдилә ( җитәкчеләре - татар теле һәм әдәбияты укытучысы Кашапова Фирүзә Фәнил кызы),  6 нчы Б сыйныфыннан Хәнипов Ринат, Сәлимҗанова Эльвина (җитәкчеләре – Шакирова Гөлназ Малик кызы) үзләренең язган шигырьләрен сөйләделәр.  Якташ шагыйрьләребездә укучыларга  “күчтәнәч” итеп үз әсәрләрен алып килгән иде. Алар сөйләгәнне кызыксынып тыңладык,шагыйрьләр Нәфис Гәрәйшин, Нәфис Әхмәтов, Сәрвәр Хәнипова, Ильмира Сәләхова, Гөлчәчәк Садретдинова  һ.б.  укучыларгакиңәш – тәкъдимнәрен җиткерде. Әдәби кунакханә укытучылар һәм укучыларга  Рәхмәт хатлары  тапшыру белән тәмамланды.

Кашапова Ф. Ф.