Һәр бала Туган иленең үткәнен һәм бүгенгесен белеп үсәргә тиеш. Шушы максаттан күптән түгел 5 А сыйныфы укучылары класс җитәкчесе Фазлыева Г. Н., башлангыч сыйныф укытучысы Хәбибуллина Л. Н. һәм ата-аналар җитәкчелегендә борынгы Алабуга шәһәренә экскурсиягә бардылар. И. И. Шишкин музей-йортында, Н.А. Дурованың музеенда һәм “Кер юу йорты” музеенда булып, укучылар бик кызыклы мәгълүматлар алдылар. Шәһәрнең “Чортово городище” өлеше балаларга бигрәк тә ошады. Укучылар экскурсиядән яңа уку елына зур көч-куәт алып кайттылар.