5 нче А сыйныфында (кл. җит. Кашапова Ф.Ф.) Бөек Җиңүнең 71-еллыгын каршылап, “Без Сезне хәтерлибез, без Сезнең белән горурланабыз” дигән класс сәгатьләре циклы үтте. Һәр укучы Бөек Ватан сугышында катнашкан бабасы яки туганы, сугыш чоры балалары турында эчтәлекле чыгыш ясады. Мәктәбебез музееның Бөек Ватан сугышы һәм аның геройларына багышланган почмагындагы экспонатларны да бик кызыксынып карадык, тарихи фактларны өйрәндек. Җиңү бәйрәмен каршы алган көннәрдә Туган илебезне саклап сугышкан әби – бабайларыбыз, яу кырында үлеп калган якташларыбыз, бүгенге көндә безнең арада яшәүче ветераннарыбыз белән бик горурландык. Мәктәпнең 7 нче В сыйныфы укучысы Заһидуллина Алия язган шигырь безнең хисләрне әйтеп бирә кебек:

Җиңү бәйрәме...

Сугыш афәте тынганга

Үтсә дә бик күп еллар,

Күз яшьләрен тыя алмый

Безнең әби-бабайлар.

Ватан өчен үз көчләрен

Кызганмый тырышканнар.

Тыныч тормыш булсын өчен,

Аяусыз сугышканнар.

Җиңү яулап кайткан өчен,

Без бит мәңге сезгә рәхмәтле!

Аяз күкләр, тыныч көннәр өчен

Күрсәтә алсак идек хөрмәтне.

Сугышның бар михнәтен күреп,

Көрәшкәнсез ачлыкларга түзеп.

Рәхмәт әйтеп, баш иябез бүген

Сезнең алда тезебезне чүгеп.

Чыкмас мәңге безнең хәтердән

Җиңүнең җитмешенче язы

Ветераннарның бу язны

Каршылады бик - бик азы.

Сугыш чоры балаларына да

Дан җырлыйбыз бүген бергәләп,

Сезне искә алып һәйкәлләргә

Без йөрибез һәрчак кергәләп.