Бүген Азнакай шәһәренең 1 нче урта мәктәбендә Татарстанның халык язучысы, шагыйрь, прозаик, тәнкыйтьче, күп кенә җырлар  авторы, җәмәгать эшлеклесе, Г.Тукай исемендәге Дәүләт бүләге иясе, Татарстанның сәнгать эшлеклесе, Г. Исхакый, Г. Державин, Г. Афзал исемендәге премияләр лауреаты «Марсель Галиевнең иҗат лабораториясе»музеен ачу чарасы узды.
     М.Галиев 1 нче мәктәпнең 1964 нче елгы чыгарылыш укучысы да эле. 
 Шагыйрьне хөрмәтләп, башкалабыз кунаклары- Д.Галим, Р. Батулла, М. Гыйләҗев, Р. Сәгъди, Н. Гыйматдинова, Ш. Җиһангирова үзләренең изге теләкләрен җиткерделәр, шагыйрь бәйле истәлекләр белән дә уртаклаштылар. Чаллы һәм Әлмәт шәһәреннән килгән каләмдәшләре дә М.Галиевне зурладылар. Ә 1 нче мәктәпнең укытучылары һәм укучылары шагыйрьнең сүзләренә язылган җырлары белән кичәне бизәделәр.
    Әлеге музей Татарстан Республикасы мәгариф hәм фән министрлыгының «Муниципаль мәктәпкәчә белем бирү һәм гомуми белем бирү оешмаларының Татарстан Республикасы территориясендә яшәүче халыкларның телләрен, гореф-гадәтләрен, мәдәниятен саклап калуга һәм үстерүгә юнәлдерелгән проектларын гамәлгә ашыруда ярдәм максатыннан оештырылган бәйге» кысаларында 500 мең күләмендә грант отуның нәтиҗәсе.