21нче февраль – Халыкара Туган тел көне буларак билгеләп үтелә. Телләрне саклау һәм үстерү максатыннан уздырыла торган бу бәйрәм елдан – ел үзенең даирәсен киңәйтә бара.
Бүген 2 нче мәктәптә  «Хикмәтле дә, бизәкле дә туган тел» дип исемләнгән «Башваткыч» уены узды. Чарада 3нче А, 7 нче А һәм Б сыйныфы укучылары көч сынаштылар,  телләргә кагылышлы сорауларга җавап бирделәр, телебезне бизәүче телбизәк сүзләребез — мәкаль-әйтемнәрне бирелгән рәсемнәрдән таптылар.
Яраткан язучыбыз Фәнис Яруллинның шундый сүзләре бар: «Тел - халык күңеленең кыңгыравы.  Ә кыңгырау кагылмасаң чыңламый». Кыңгырау гел чыңлап торсын өчен, тел югалмасын өчен үз телеңдә сөйләшергә кирәк. Һәр милләт кешесе үз телен яратырга һәм башка милләтләрнең теленә хөрмәт белән карарга тиеш.