Февраль ае хәрби -патриотик чараларга бик бай. 15 нче февраль – Советлар Союзы Герое, Ленин премиясе лауреаты, татар халкының батыр улы, патриотик шагыйрь Муса Җәлилнең туган көне. Җәлиличеләрне искә алып, Азнакай шәһәренең 6 нчы урта мәктәбендә районыбыз һәм шәһәребезнең 10 мәктәбеннән 5 нче сыйныф укучылары  “ Уен – квест”та үзләренең белемнәрен сынаштылар. Аларның чыгышларын чарага чакырылган кунакларыбыз : Азнакай районы мәгариф идарәсе методисты – Зарипова Гөлия Госман кызы, Азнакай районының “ Гөлстан” язучылар берлеге җитәкчесе, Азнакай район үзәк китапханәсе китапханәчесе – Садретдинова Гөлчәчәк Әнәс кызы, Азнакай районы балалар китапханәсе китапханәчесе -Сәйфиева Алсу Рәшит кызы бәяләделәр. Районыбызның Сарлы урта мәктәбенең “Җәлилчеләр” командасы бәйгедә Муса Җәлилнең тормышы һәм иҗаты буенча үзләренең тирән белемнәрен күрсәттеләр һәм 1 нче урынга лаек булдылар.