Азнакай шәһәре гимназиясе базасында Россия күләмендә үткәрелә торган “Иң яхшы татар теле һәм әдәбияты укытучысы” бәйгесенең зона этабы үтте.  Әлеге һөнәри бәйге иҗади эшләүче алдынгы татар теле һәм әдәбияты укытучыларын барлау, ярдәм итү һәм аларның нәтиҗәле тәҗрибәләрен тарату максаты белән үткәрелә.Бәйгедә Азнакай, Әлмәт, Бөгелмә, Баулы, Ютазы районыннан бәйгенең муниципаль этабында җиңгән  татар теле һәм әдәбияты укытучылары көч сынаштылар: дәресләр, мастер - класслар күрсәттеләр.