Азнакайның 7 нче урта мәктәбе базасында “Туган тел – милләт көзгесе” дип исемләнгән район мәктәпләренең 1 нче фәнни – гамәли конференциясе булып, аның эшенә йомгак ясалды. Тел, әдәбият, тарих укытучылары, китапханәчеләр һәм музей хезмәткәрләре катнашында махсус комиссия утырышы булды. Туган телне өйрәнү, Татарстан тарихы һәм Татарстан халкы турында, фольклор, дөрес сөйләм культурасы, аралашу вакытында чит сүзләрне куллану, фразеологизмнар, татар фамилияләренең килеп чыгышы, социаль челтәрләрдә туган тел һәм башка күп кенә мәсьәләләр буенча укучыларның фәнни эшләре тыңланды.