30 нчы октябрьдә Казан шәһәрендә Бөтенроссия "Авыл укытучысы-2020" бәйгесенең бүләкләү тантанасы булды. Бу конкурста Азнакай районы данын яклап Мәлбагыш урта мәктәбе филиалы – Әлкәй төп мәктәбенең башлангыч сыйныфлар укытучысы Ләйлә Әзһәр кызы Зәһитова катнашты һәм “Фәнгә мәхәббәт” номинациясендә җинүче булды.

       ТР Мәгариф һәм фән министрлыгы, Бөтендөнья татар конгрессы башкарма комитеты белән берлектә "Мәгариф" журналы оештырган бәйгенен бүләкләү тантанасында финалга чыккан 10 авыл укытучысына Дәүләт Депутаты Римма Ратникова һәм журналның баш мөхәррире Сөмбел Таишева тапшырды.

     “Минем бу унышымда мине 3 нче этапка әзерләнергә булышкан  укыту буенча мәктәп житәкчесенең урынбасары Исламова Диләрә Марсовнаның һәм безне башлангыч сыйныф укытучыларын һәрдаим яналыклар белән таныштырып баручы, җинүләргә рухландыручы  Мәгариф идарәсе методистыбыз Ахунова Ләйсән Марсовнаның өлеше зур. Бүләкләү тантанасына барган Мәгариф идәрәсе җитәкчесенең урынбасары Рәупова Алия Ягьфаровнага да зур рәхмәт”, -дип  Ләйлә Әзһәровна йорәгеннән чыккан җылы рәхмәт сүзләрен җиткерде.