2020 елның 7 нче февралендә Азнакай районының бер төркем башлангыч сыйныф укытучылары методист Ләйсән Марсовна җитәкчелегендә, Әлмәт шәһәренең Ризатдин Фахретдин исемендәге гимназиясендә зонаара семинарда катнашып, үзләренең эш тәҗрибәләре белән уртаклашып кайттылар. Семинарда татар теленнән ачык дәресләр, мастер-класслар каралды, укытучыларның чыгышлары тыңланды. Ләйсән Марсовна “Укытучының профессиональ иҗади эшчәнлегенә әзерләнү технологиясе”, районыбызның гимназия укытучылары “Дәрестә әдәби текст белән эшләүнең актив алымнары”, Чубар-Абдул укытучылары Ямалиева З.Р. белән Гимаева Ф.Х.лар “Башлангыч мәктәптә туган якны өйрәнү буенча эзләнүчән эшчәнлек”, Чалпы урта мәктәбе укытучылары Роза Рашадовна “Башлангыч классларда татар теленнән терәк кагыйдәләр” һәм Голнара Ясировна “Герой шагыйрь әсәрләре эзеннән..” дигән темаларга чыгыш ясадылар. Семинарда үткәрелгән ачык дәресләр, мастер-класслар, чыгышлар яңа шартларда уку-укыту эшчәнлеген оештырырга зур этәргеч булыр дип ышанабыз.