Бөтенроссия акциясе кысаларында 26 февральдә Азнакайның 5 нче урта мәктәбе базасында чыгарылыш сыйныф укучыларының әти-әниләре рус теле буенча Бердәм дәүләт имтиханы тапшырдылар. Әлеге чара быел өченче тапкыр оештырыла. Катнашучылар  имтихан процедурасының оештырылуы белән таныштылар, үзләрен кызыксындырган сорауларга җавап алдылар. Билгеле булганча, әти-әниләр укучыларга караганда ныграк дулкынланалар. Шул ук вакытта, балаларның имтиханнарга җитди каравы, мәктәпләрдә зур әзерлек баруы  турында әйттеләр; мәктәп программасын үзләштергән һәр бала БДИ бирә алырга тиеш, дип исәплиләр әти-әниләр.

Имтиханда Азнакай районы башлыгы урынбасары Н.М.Нәгыймов, Мәгариф идарәсе җитәкчесе А.М.Рахманов, җитәкче урынбасарлыры Л.М.Ахмадишина, А.Я.Раупова катнаштылар.