Язны каршылау -Нәүрүз-бәйрәмен үткәрү, балалар бакчасында матур традициягә әверелде. Нәүрүз-иң матур, күптән көтелгән йола бәйрәмнәренең берсе. Нәүрүз фарсы теленнән тәрҗемә иткәндә “яңа көн”, “яңа ел” дигәнне аңлата. Балалар бакчасында милли тәрбиягә аерым игътибар бирәбез. Районыбыз территориясендә яшәүче халыкларның мәдәнияте белән бәйле төрле чаралар үткәрәбез. Бу көнне балалар бакчасында тәрбияләнүчеләр язны каршы алалар. Бүген безнең балалар бу бәйрәмдә бик теләп катнаштылар. Нәүрүз бәйрәме язның традицион очрашуыннан башланды. Мәктәпкәчә яшьтәге балалар халык уеннары уйнадылар, матур җырлар җырладылар, биеделәр. Яз һәм Нәүрүз турында шигырьләр сөйләделәр. Башыннан ахырына кадәр бәйрәм күңелле барды. Балалар үзләренең артистлык сәләтләрен күрсәттеләр. Мондый фольклор бәйрәмнәр халыклар арасында дуслыкны сакларга ярдәм итә. Халык бәйрәмнәренә, туган телебезгә  мәхәббәт һәм кызыксыну тәрбияли.Традицион рухи-әхлакый кыйммәтләрне сакларга булышалар