25 апрельдә Азнакайның балалар иҗат үзәгендә бөек инглиз язучысы һәм драмматургы Вильям Шекспирның тууына 450 ел тулуга багышланган “Без- дөнья мәдәнияте варисләре” фестивале үтте.

Әлеге зур чараның авторы һәм баш режиссеры мәктәбебезнең инглиз теле укытучысы Ногманов Фаил Исмагыйль улы булды.

 Бу фестивальда Чалпы мәктәбе укучылары татар, рус һәм инглиз телләрендә “Казан кичләре”  җырын, рус кызлары биюен башкардылар,  “Яшь рәссам” номинациясендә Махиянова Римманың картинасы, интелектуаль сорауларга җавап номанациясендә Шарафиева Илзидәнең эше призлы урыннарны яуладылар. Бәйрәмдә район җитәкчесе Марсель Шайдуллин һәм аның хезмәттәшләре, мәгариф идарәсе җитәкчесе Эльвира Зариповалар катнаштылар, районда беренче тапкыр инглиз телендә үткәрелгән фестивальне бик тә хупладылар,  аларның котлау сүзләре бездә уңай тәэсирләр калдырды.

Укучыларны фестивальгә әзерләүдә булышкан укытучыларыбыз Нугманов Фаил абый, Гараева Рузалия, Кашапова Эльза, Ибрагимова Гөлфия һәм  Мухаметгарипова Асыя апаларга зур рәхмәтләребезне белдерәбез.

Без уңышларыбыз белән бик тә горурланабыз. Фестиваль безгә зур өметләр бирде. Киләчәктә дә мондый кичәләр үткәрү гөреф-гадәткә керсә иде.

 Чалпы муниципаль урта гомуми белем бирү мәктәбенең 11 класс укучысы Каюмова Зөлфирә.