Мәктәбебезнең 11 сыйныф укучысы Муртазина Гөлнур, җитәкчесе татар теле һәм әдәбияты укытучысы Зәкиева Энҗе Фаиз кызы  белән 25 нче март көнне Чистай районы   Яүширмә урта  гомуми белем мәктәбендә  үткәрелгән  Гаяз Исхакый исемендәге   III  республикакүләм  фәнни-гамәли  конференциясендә катнашып III нче дәрәҗә диплом белән бүләкләнделәр. Әлеге  чарада  Республикадан  килгән   12  район  укучылары катнашты. Фәнни – гамәли   конференциядә катнашучыларны  Яүширмә урта гомуми белем мәктәбе укучылары Исхакыйга багышланган  шигырьләр   , сәламләү сүзләре  белән каршы алдылар. Һәр килгән катнашучы теркәлде,аннан  соң  алар Гаяз Исхакыйга   , Бөек җиңүнең   70 еллыгына , “Оста куллар “ түгәрәге эшчәнлегенә  багышланган  күргәзмә белән таныштылар. Конференцияне Чистай муниципаль  районы башкарма комитетының  мәгариф идарәсе җитәкчесе -Госман  Әнвәр улы  Набиуллин  ачып җибәрде.  Фәнни-эзләнү эшләре белән  килгән укучылар  “Гаяз Исхакый мирасына бүгенге караш”,”Татар әдәбиятында  Гаяз Исхакый традицияләре”,”Гаяз Исхакыйның  публицистик эшчәнлеге”, “Гаяз  Исхакый һәм аның замандашлары” дигән секцияләрдә катнаштылар. Конференциянең икенче өлеше  Гаяз Исхакый  музеена  сәяхәт  белән  башланды.   Пленар  өлеш  Мәдәният   йортында  узды. Анда Татарстан Республикасының  атказанган мәдәният хезмәткәре  ,Гаяз  Исхакый исемендәге  премия лауреаты-Гайнанова Л. Р., филология фәннәре докторы,Казан (Идел буе) федераль  университеты  профессоры - Миннегулов Х. Й., “Гаилә һәм  мәктәп”журналының бүлек мөдире - Фазылова   Р.  Р.   , Чистай муниципаль  районы башкарма комитетының  мәгариф идарәсе җитәкчесе -  Набиуллин   Г.А. чыгыш ясадылар  һәм   укучыларның  фәнни –     эшләренә  бәя   бирделәр. .Секция  әгъзалары   җиңүчеләргә  грамоталар тапшырды. 

       Конференцияне  оештыручыларга ,Яүширмә урта  гомуми белем мәктәбе  администрациясенә,укытучыларга  бик олылыклап каршы алып,кунак итеп озатуларына зур рәхмәтебезне җиткерәбез!