12 нче декабрь көнне гимназиябездә районның “Гөлстан” әдәби берләшмәсе язучылары белән очрашу булды. “Тылсым көче – шигърияттә” исемле шигырь бәйрәменә Илдус Гыйләҗев, Резеда Шәрипова, Эльмира Сәләхова, Гөлчәчәк Садретдиновалар үзләренең шигырь бәйләмнәре – күчтәнәчләр белән килгәннәр иде. Укучыларыбыз Роберт Галимов, Диана Курбонова, Миләүшә Әхмәтҗәнова, Әдилә Шәрәфиева, Гөлмирә Галимова, Лиана Сабирҗанова,Алина Сәетшиналарның сәнгатьле итеп шигырь укулары залдагы бар кешене таң калдырды.  Кунакларыбыз китапханәгә тамгалы китапларын тапшырдылар. Кичәне Сөмбел Атласовна бик җылы һәм истәлекле итеп алып барды. Шагыйрьләр белән истәлеккә фотога төштеләр.