10 сентябрьдән районыбыз һәм шәһәребездә өлкәннәр айлыгы старт алды. Бу безнең ел дәвамында башкарыла торган эш, ләкин бу айда без ветераннарыбыз белән ешрак очрашабыз, матур мул чәй табыннары артында аларга хөрмәт күрсәтәбез.   9 сентябрь көнне гимназиянең ашханәсендә ветераннарыбыз белән җылы, матур кичә узды.  Гимназия директоры А.М.Рахманов килгән ветераннарыбызны котлап, матур сүзләр җиткерде. Укытучыларыбыз М.Н.Зарипов, Д.М.Фэсиева,  Л.А.Гараеваларның, чыгышлары ветераннарыбыз күңеленә хуш килде. Директор урынбасары Р.Х.Семенова кичәне искиткеч югары дәрәҗәдә, шул ук вакытта гади һәм тыйнак итеп алып барды. Кичәне  оештыруга  гимназия администрациясе һәм профком комитеты күп көч куйды. Тәрбия эшләре буенча директор урынбасары Фәсиева Д.М. һәм класс җитәкчеләре белән берлектә “Бөек Җиңүнең 70-еллыгы” темасы астында укучыларыбыз ветеран укытучыларыбызның тормыш юлы белән танышып, аларның һәрберсе турында искиткеч күп мәгълүмат тупладылар. Альбомнар, видеоязмалар эшләделәр. Болар барысы да гимназиябезнең музеенда лаеклы урын алды.