Октябрь  аенда олимпиадалар мәктәп күләмендә үткәрелсәләр,ноябрь һәм декабрь айларында алар район күләмендә үткәрелделәр. Сүз дә юк,олимпиада эшләре катлаулы, алар укучыдан тирән белем, әзерлек, түземлек,сәләт һәм логик фикерләүне  таләп итә.

Мәктәп күләмендә җиңгән укучылар үзләрен район күләмендә дә сынап карадылар.Район күләмендә беренчелекне яулаган укучылар инде бар көчләрен туплап республика күләмендә уздырылачак олимпиадага әзерләнәләр.Алар түбәндәгеләр: Динмөхәммәтова Ләйсән(10 нчы сыйныф), Гобәйдуллина Диләрә (10 нчы сыйныф), Кариев Айнур (6нчы сыйныф). Динмөхәммәтова Ләйсән -гимназиябезнең горурлыгы.Ул -һәрьяктан сәләтле кыз.Ләйсән район күләмендә уздырылган олимпиадаларның күбесендә катнашып җиңүче булды.Химия,хокук фәннәреннән җиңүче булса,җәмгыять белеменнән ул призер. Ләйсәннең дусты,сыйныфташы Гобәйдуллина Диләрә дә- бик тырыш,актив кыз.Ул унынчы сыйныфлар арасында җәмгыять белеменнән беренчелекне яулады.Кызларга без уңышлар телибез.

Кайбер фәннәрдән район олимпиадалары урта баскычтагы классларны да үз эченә алды.Шундыйларның берсе-математика.4-6 сыйныф укучылары район күләмендә  көч сынаштылар.Җиңүчеләр арасында безнең гимназиянең 6 нчы сыйныф укучысы  Кариев Айнур да бар. Без аны да шәхси җиңүе белән колтлыйбыз.Ул үзе дә чиксез шат.”Олимпиадага мин бик ныклап әзерләндем һәм төрле мисал һәм мәсьәләләр тупланган җыентыкларны берне генә түгел, ә берничәне тулысы белән эшләп чыктым,”-ди Айнур.Үзенең уңышында ул математика укытучысы Кәтифә Әсгать кызы һәм башлангыч класс укытучысы Венера Әсгать кызының өлеше зур икәнен аңлый һәм аларга зур рәхмәтен белдерә.

Без алар белән горурланабыз һәм аларга яңа җиңүләр телибез.

Әле район күләм олимиадалар барлык фәннәрдән дә үтеп бетмәде һәм без

җиңәчеләр саны тагы да ишәер дигән өметтә калабыз.