Бүген, 15 нче февраль көнне, герой-шагыйрь Муса Җәлилнең тууына 115 ел тула. Муса Җәлил –  татар халкының бөек шагыйре, Советлар Союзы Герое. 1925 нче елда Җәлилнең «Барабыз» исемле беренче китабы чыга. Сугышка кадәрге елларда шагыйрь бик күп шигырьләр, җырлар, «Хат ташучы» поэмасын, «Алтынчәч», «Илдар» исемле опера либреттоларын яза. Шагыйрьнең Бөек Ватан сугышы елларында иҗат иткән шигырьләрен  бөтен дөньяда «Моабит дәфтәрләре» дигән исем белән беләләр. 

Шагыйрьнең поэзиясе генә түгел, тормышы һәм фаҗигале язмышы да батырлык үрнәге булып тора. Аның тормышы һәм иҗаты - үсеп килүче буын өчен үрнәк. Муса Җәлилнең шигырьләрен һәм поэмаларын төрле яшьтәгеләр яратып, горурланып укыйлар. 

Буген гимназиябезнең актлар залында шагыйрьнең тормышына һәм иҗатына багышланган мәдәни чара үткәрелде. Чараны гимназиянең китапханә мөдире Аскарова Г.Ю. оештырды.