Технология укытучысы Яруллина Г.Г "Милли орнаментта пластилиннан аппликация" темасына  дәрес үткәрде. Рәсем сәнгате укытучысы Гайнетдинова Г.М. "Герб, тугра, символларның мәгънәсе" темасына ачык дәрес һәм "Туграларда йөрәк җылысы" дигән темага танылган рәссам, каллиграф, галим Нәҗип Нәккаш Исмәгыйлев белән очрашу кичәсе үткәрде. 7-9 сыйныф укучылары милли сәнгатьнең яңа жанры - Тугралар ясау жанры белән таныштылар. Нәҗип Нәккаш аларга шәмаилләр ясау серләрен ачты. Укучылар, укытучылар да , семинарга килгән кунаклар да әлеге очрашудан бик канәгать булып, яңа белемнәр туплап, үзләренә илһам алып киттеләр.