Татар теле һәм әдәбияты атналыгы.

Мәктәбебездә 07-12  декабрь аралыгында татар теле һәм әдәбияты атналыгы үтте. Укучылар үткәрелгән чараларда теләп катнаштылар, зур кызыксыну белдерделәр. 4 нче сыйныфлар “Табигатькә кыш килде” стенгазетасын ясадылар. 5 нче сыйныфлар күренекле галим-мәгърифәтче Каюм Насыйриның тууына 190 ел уңаеннан шулай ук стенгазета ясадылар. Биредә галимнең тормыш юлы турында кыскача мәгълүмат, аның кечкенә хикәяләре һәм Казанда үзе яшәгән музей-фатирыннан фотокүренешләр урнаштырылган иде. 7 нче сыйныфлар исә, татар әдәбиятына багышланган  “Әдәби хәзинә” дип исемләнгән  кроссворд төзеделәр. Бу атналык эчендә, шагыйрә Йолдыз Шәрәпова белән очрашу кичәсе дә оештырылды. Чарада I-VII сыйныфлар катнашты. Очрашуда 1 нче, 4 нче, 5 нче, 7 нче  сыйныф укучылары шагыйрәнең шигырьләрен яттан сөйләп күрсәттеләр, кызыксындырган сорауларын бирделәр. Тулаем алганда, татар теле һәм әдәбияты атналыгы  бик нәтиҗәле үтте.