Нәни кулларыбыз белән, тик Сезгә диеп кенә, әзерләдек бу бүләкне бик күп көч куеп менә.

Бүген бакчабызда "Ачык ишекләр" көне булып узды.Теләге булган һәр әти-әни балаларының математикадан һәм рус теленнән сәләтен күрә алды. 

Кечкенәләр  төркеменә йөрүче сабыйлар белән Әниләр бәйрәменә бүләк ясый башладык.Бармак буяулары белән алар әниләренә чәчәк ясадылар.

Зурлар төркеменә йөрүче балалар бүген авылыбызның  иң мәһабәт бинасы - мәдәният йортыбызга экскурсиягә бардылар.Мәдәният йорты белән танышканнан соң алар үзләрен зур сәхнәдә дә сынап карадылар.

Зурлар төркеме бүген әниләрен кояш белән тиңләп, аларга бәйрәм бүләге - көнбагыш чәчәге ясау эшенә кереште. Лента, кофе ярмасы,бәйләү җебе, клей ярдәмендә ниди иҗат җимеше килеп чыгар - Аллага тапшырдык. 

Бу могҗизаны тудырыр өчен нибары төсле картон,төсле кәгазь,клей,манный һәм тырышлык кирәк булды аларга.

Нинди төстә икән соң бу кар дигәннәре? Кызылмы, яшелме, зәңгәрме? Бик күп баш ваттык, ак икә-ә-ән бит ул! Сөт кебек ап-ак! Беләбез-беләбез, кыш җиткәнен сизәбез!

Зурларга көз бәйрәменә кунакка кердек әле, менә ничек кенә тик чыдап утырасы, инде йөриселәр дә килә башлады...

Бүген безнең бакчабызда "Көз бәйрәме" гөрләп узды. Бәйрәмне алдан әзерлек белән күптән көтеп алдык. Көз кызының бүләкләренә, бигрәк тә Кабак малайга(Тыквовик) шаккатык. Әлбәттә, үзебез дә күчтәнәчсез калмадык: җырлар, шигырьләр,биюләр Көз кызының күңеленә бик хуш килде. Кунак булып кергән кечкенәләр төркеменең нәниләре дә бәйрәмнән канәгать калдылар

Көн азагында безне янә бер сюрприз көткән икән.Көз кызы безгә күчтәнәч  итеп, телне йотарлык кабак бәлешләре калдырган! Йокыдан торгач, бүгенге күңелле мизгелләрне хәтердән барлый-барлый шул күчтәнәч белән сыйландык.