Габдулла Тукайның туган көне хөрмәтеннән бакчабызда бәйрәм булып узды. Шигырьләрен сөйләдек, табышмакларга җаваплар таптык, Г. Тукайның тормыш юлы белән таныштык, әкиятләрен искә төшердек. Айгөл апабыз әзерләп килгән бик кызыклы һәм файдалы видеоязма карадык.

Бакчабызда кошларны каршы алу матур традициягә әверелеп бара. Шигырьләр сөйләп, табышмакларга җавап табып, кошлар турында видеоязма карап бәйрәм иттек. Һәм  кош формасындагы камыр ризыгы белән сыйлаган өчен Резеда апабызга зур рәхмәт.

Менә без дә авылыбыз библиотекасына экскурсиягә бардык. Алсу апабыз безне бик җылы каршы алды, бик күп мәгълүмат бирде, бүләкләр дә бирде. Чакырганнары өчен аларга зур рәхмәт.

Язның иң күңелле мизгеле - боз китү. Экскурсиягә чыгып, күпердән боз китүне күзәтү балаларга онытылмаслык мизгелләр бүләк итте.

Кышны озату - язны каршы алу. Һәр бала бу бәйрәмне сөенеп каршы ала. Кыш бабай җиңелеп,  яз кызына юл бирде.

Бүген безгә кунакка участковый полномоченный Шарапов Марсель абый килде. Ул каникуллар вакытында һәм гомумән юлларда үзебезне ничек тотарга, чит кешеләр белән аралашмаска өйрәтте. Балалар үзләрен бик актив тоттылар, хәтта сораулар да бирделәр.

Менә без дә кечкенәләребезгә бүләк ясарга булдык. Зурлар төркеменә йөрүче балалар белән "Шалкан" әкиятен куйдык.Нәниләргә бик ошады.

Бүген кечкенәләр төркемендә "Бармак уеннары аша сөйләм телен үстерәбез" дигән темага ачык шөгыль үткәрелде. Тәрбиячеләр нәниләрнең сөйләм теле белән таныштылар, үз фикерләрен әйттеләр.  

Ниһаять көтеп алган бәйрәмебез дә килеп җитте. Әниләр белән генә күңелле, рәхәт шул! Без аларга ничек яратуыбызны шигырьләребез, җырларыбыз, биюләребез аша җиткердек. Рәхмэт Сезгә!

Әниләребезгә буләкләребез әзер инде безнең! Бәйрәмгә кадәр ничек кенә әйтми түзеп торырбыз менә....