5 нче март көнне Г.Тукай исемендәге Әтнә татар дәүләт драма театры бинасында Татарстан Республикасының “Созвездие – Йолдызлык” – ачык республика яшьләр эстрада сәнгате телевизион фестиваль проекты кысаларында “Әтнә йолдызчыклары – 26" фестиваленең гала-концерты узды.Әлеге фестиваль,Татарстан Республикасы һәм Рәсәй Федерациясе территориясендә яшәүче күпмилләтле халыкның рухи-әхлакый,заманча мәдәни кыйммәтләрен саклау,районыбызның мәдәни лидерлыгын барлау, талантлы яшь буынны сәнгатькә тарту,алар арасыннан иң-иңнәрен барлап киләчәккә шушы юнәлештә күтәрелергә ярдәм итү максатыннан оештырыла.Сәхнәдә 273 сәләтле бала һәм яшүсмер чыгыш ясады.Әлеге талантлы балалар арасында безнең укучыларыбызны да күрү, әлбәтта куандыра. Уңышлары да сөенерлек.
" Күбәләк " бию коллективы кызлары 2 нче дәрәҗә лауреат исеменә лаек булдылар. ( җитәкчеләре Гаффарова Ф. А.)
Мәктәбебезнең 3 нче сыйныф укучылары - "Йолдызлар" вокаль ансамбле Дипломант исеменә, ( җитәкчеләре Сибагатова Э. Г.)
3 нче сыйныф укучысы Хашимова Лилия Илфар кызы- Дипломант исеменә лаек булды ( җитәкчесе Галиева Л. Р.)
Барлык катнашучыларны да уңышлары белән чын күңелдән тәбрик итәбез! Киләчәктә дә зур уңышларга ирешүләрен теләп калабыз!