Әтнә районы Комыргуҗа урта гомуми белем бирү мәктәбендә узган Ш.Мәрҗани исемендәге республика фәнни-гамәли конференциясендә укучыларыбыз уңышлы чыгыш ясадылар. 8 нче сыйныф укучысы Әскәрова Фәридә "Рәхмәт хаты" белән бүләкләнде, ә 9 нчы сыйныф укучысы Җәлилов Раил II нче дәрәҗә Дипломга лаек булды.

17 февраль көнне мәктәбебез укучылары “Татаркино” оешмасы башлангыч сыйныфлар өчен “Как поймать жар птицу?»,зурлар  өчен “Борцу не больно» исеме астында нәфис фильм күрсәтте.

Хәтердән уела күп нәрсә,

Онытыла иң гүзәл яз һәм кышлар.

Онытылмый үзенең иңендә

Ил данын күтәргән язмышлар.

Бүген  Мәңгәр авылында  әфганчы Илдар Сафиуллин истәлегенә чаңгы ярышы узды. Укучыларыбыз  абыйлы-сеңелле  Илзилә һәм Илсаф  Гариповлар да  бик матур чыгыш ясап кайтты.    Гарипов Илсаф  - 3 урын,  Гарипова Илзилә – 6 урынга лаек булдылар.

Бүген мәктәбебездә Г.Тукай  исемендәге  IV Бөтенроссия шигырь укучылар конкурсының мәктәп этабы булып узды. Укучылар җәлилчеләр һәм аларга багышлап  башка шагыйрьләр язган  шигырьләрен укыдылар.  Һәр 4 төркемдә җиңүчеләр билгеләнде. Җиңүчеләр районда узачак шигырь конкурсында чыгыш ясаячаклар.

Күчкәнме бу залга дөньяның бар яме,
Күңелләр түрендә Әлифба бәйрәме .

Бүген беренче сыйныф укучылары өчен зур бәйрәм. Алар Әлифба китабы белән саубуллаштылар.

Бүген  Г. Тукай исемендәге Әтнә дәүләт драма театры бинасында  “Созвездие –Йолдызлык 2014” бәйгесенең  район этабы булып узды. Мәктәбебез укучылары Хашимова Рүзилә вокал-соло номинациясендә, ә Аюпов Рафил  һәм Аскарова Фәридә конферанс номинациясендә катнашып гала концертка уздылар. Киләчәктә дә аларга уңышлар  теләп калабыз.

Мәктәптә “Ел укытучысы-2014” конкурсы булып узды.  Конкурс  грант алган укытучылар арасында узды. Мәктәбебезнең  ел укытусысы булып география укытучысы Загидуллина Зөлфия Дамир кызы сайланды. Аңа  бәйгенең район этабында уңышлар теләп калабыз.