Бүген бездә "Бөтендөнья әйләнә-тирәлекне саклау" көне уңаеннан "Экологик светофор" дигән викторина үткәрелде. Соңыннан барлык укучылар да "Табигать - безнең уртак йортыбыз" дигән темага рәсем ясадылар.

Бүген юл йөрү кагыйдәләрен искә төшердек һәм табигать кочагында ялыбызны дәвам иттек.

Иртәнге зарядкадан соң лагерьны ачу тантанасы үткәрелде. Балалар "Исәнме, лагерь!" дискотекасында рәхәтләнеп биеделәр, концерт номерлары башкардылар.

Бүген балалар отряд почмаклары ясадылар, Лагерьачу тантанасына әзерлекләрен башладылар.

Бүген, Күшәр төп белем бирү мәктәбе каршында оештырылган "Әкият" лагере үзенең эшен башлап җибәрде.Ял һәм сәламәтләндерү лагерена 15 бала, хезмәт лагерена 5 бала йөри. Балаларга күңелле, имин яллар теләп калабыз.

Укучыларыбыз елдагыча уку елы ахырында табигатькә кунакка чыга. Бүген дә 7 нче сыйныфлар бу матур традицияне бозмыйча, көннәрен күңелле үткәреп кайттылар.

Бүген 9 класс укучылары рус теленнән ОГЭ тапшырдылар. Уңышлар аларга

Иске Кишет авылында урнашкан (Арча районы) Советлар Союзы Герое Гани Сафиуллин музеенда булдык. Музей җитәкчесе Гөлфия апа, безне Гани Сафиуллинның тормыш юлы, Бөек Ватан сугышында күрсәткән батырлыклары, сугыштан соң башкарган эшләре  белән таныштырды. Гани Сафиуллин батырлыгы соклану һәм горурлык хисләре  тирәнәйтте.

Бүген башлангыч класс укучылары һәм аларның  класс җитәкчеләре Тукай - Кырлайда музейда булдылар. Биредә аларны Тукай әкиятләре геройлары каршы алдылар. Укучылар музей-комплекста экспонатларны күзәттеләр һәм фильм карадылар. Экскурсия эчтәлекле узды.

Башлангыч сыйныф укучылары бүген Ташкы елгага экскурсиягә бардык. Кызыклы уеннар уйнадык, көлдек, шаярдык, рәхәтләнеп ял иттек. Көлгә күмеп пешерелгән бәрәңгене һәрберебез яратып ашады. Кояш та җылы нурлары белән безне иркәләде.