Гадәттән тыш хәлләр министрлыгының Әтнә районы янгын сүндерүчеләр бүлегенә экскурсиягә бардык. Бүлек хезмәткәрләре янгын сүндерү машинасын һәм башка техниканың ничек эшләгәнен күрсәттеләр, гадәттән тыш хәлләрдә үзеңне тоту кагыйдәләрен укучыларга кабат искәртеп киттеләр.

Мәктәптә лагерьга йөрүче укучылар белән эвакуация буенча өйрәнүләр уздырылды. Шулай ук укучылар белән очрашуга Эчке эшләр министрлыгының Әтнә районы балигъ булмаганнар белән эшләү бүлеге хезмәткәрләре дә килде.

Бүген 9 класс укучылары математикадан ОГЭ бирделәр. Аларга җиңел чишелешле биремнәр теләп калыйк!

Бүген лагерьда бөек шагыйрь А.С.Пушкинның туган көне уңаеннан " Что за прелесть, эти сказки?" дип аталган викторина уздырылды. Балалар шагыйрьнең  иҗатын искә төшерделәр, мультфильмнар карадылар, иң күп әкият белүчене ачыкладылар.

Авылыбызның чишмәләренә экскурсиягә бардык. Чишмәләрне саклау, аларның тирә-ягын чиста тоту турында әңгәмә уздырдык.

Бүген лагерьга йөрүче балалар Россия Эчке эшләр министрлыгының Әтнә районы бүлеге юстиция майоры Әмиров М.Р. белән очраштылар.

Бүген туган ягыбызда үсүче дару үләннәре һәм аларның дәвалау үзлекләре белән танышу өчен табигатькә чыктык.

"Исәнме, лагерь!"дип аталган лагерьны ачу тантанасы булды. 

Бүген 9 нчы сыйныф укучылары информатикадан имтихан тапшыралар. Аларга уңышлар!

Бүген балалар лагерь ачылышына әзерләнделәр. Отряд исемен, девизын, җырын сайладылар, отряд почмакларын ясадылар.