Бүген уку елы дәвамында "Әдәби хәзинә" түгәрәгенә йөргән 5, 6 нчы сыйныф укучылары журналист, шагыйрә, якташыбыз, Күәм авылында туып-үскән, Күәм мәктәбендә белем алган Мингатина Сүрия апа белән очраштылар. Чараны түгәрәк җитәкчесе Садриева А.Г. оештырды. Сүрия апа күпләребезгә таныш. Ул "Әтнә таңы" район газетасының башлангычында торган шәхес, бик күп проблемалар күтәргән мәкаләләр, җанга үтеп кергән шигырьләр авторы. Бүгенге җылы очрашуда укучыларыбыз шушы олы шәхескә кызыксындырган сорауларын бирделәр, бик мәгънәле җаваплар, фикерләр тыңладылар. Сүрия апаның күпсанлы грамоталарын, дипломнарын, күкрәк билгесен һ.б. мактаулы исемнәрен кызыксынып карадылар. Сүрия апабызга шушы җанлы очрашу өчен зур рәхмәтебезне җиткерәбез, иҗади уңышлар теләп калабыз.