Бакчабызда шаулап гөрләп өлкәннәр көне үзды. Бәйрәмдә балалар яраткан әби бабайларына җырлар, шигырьләр, биюләр бүләк иттеләр. Өлкәннәр исә, үз чиратында бәйрәмнән ләззәт алып кайтып киттеләр.

Балаларда якыннарына, әти- әниләренә карата кайгыртучанлык, игътибарлылык сыйфатлары тәрбияләү максатыннан сөйләм үстерү эшчәнлегендә татар халкының "Өч кыз" әкиятен сәхнәләштердек. Балалар әлеге эшчәнлектән бик тә кәнагать калдылар чөнки аларның артислык сәләтләре дә ачылды.

Безнең балалар бакчасының    алма бакчасы бар. Анда берсеннән берсе тәмле алмалар үсә. Бүген  ул алмалардан балалар да авыз итте. 

Җәй, җәй- инде сонгы аенга да  кереп аны  ваклап маташабыз!. Балалар белән бүген табигатькә чыктык. Җәйнең матур вакытларына хозурланып кайттык. Инде басуларда игеннәр җыелган, кырлар буш калган. Шулай булуга карамастан без басуларны да карадык, балалар белән белемнәребезне тикшердек , ныгыттык. Балалар бик канәгать калдылар...

Балалар  бакчасында балаларның режим вакытларын файдалы итем үткәрү, һәр тәрбияченең төп бурычларының берсе. Безнең балалар бакчасында  бигрәктә җәй айларында балаларга  уйнарга күңел ачырга  вакыт  күп - шунлыктан без өстәл уеннарына, хәрәкәтле уеннарга вакытны тигез бүлергә тырышабыз. Балалар өстәл уеннарыннан "Домино", "Лото", "Рәсемнәр төзү"," Лего" ны үз итәләр. "Лего" -балаларның  кул маторикасын, төзү сәләтләрен, уйлау, фантазияләү кебек сыйфатларны үстерә. 

Балалар бакчасында үткән туган көннәр иң истә калганнарыдыр мөгаен. Без бакчада һәр  баланың туган көнен билгеләп үтәбез. Ул көнне туган көне булган баланы иртәдән үк котлый башлыйбыз. Традицияләргә тугры калып "Аккалач" уенын уйныйбыз. Балалар белән күп итеп рәсемнәр ясап бүләк итәбез. Ә иң кызыгы туган көне булган бала үзе дә истәлекле бүләкләр алып килә. Бу балаларны тагында якынайта, дуслаштыра.