15  сентябрьдә  Бәрәскә  урта  мәктәбе  укытучысы  Нигъмәтҗанова  Резида   Рәфкать кызына  55  яшь  тулды.

Математика  укытучысы, озак  еллар  уку-укыту  эшләре буенча  директор  урынбасары булып  эшләгән   хезмәттәшебезне  күркәм  бәйрәме  белән  ихластан  тәбрик  итәбез. Тирән  белемле,  киң  эрудицияле  Резида  Рәфкатовна - укучыларның  яраткан  укытучысы,  укытучыларның  ышанычлы  хезмәттәше.  Бәрәскә  урта  мәктәбендә  эшләү дәверендә    укучыларга  белем  биреп  кенә  калмыйча,  тормышта  дөрес  юл  табарга   да  өйрәтә  ул.  Нинди  генә  эшкә  алынмасын,  һәрберсен  җиренә  җиткереп  башкара.  Кем  генә  ярдәм  сорап  килмәсен,  һәркемгә  вакытын  да,  киңәшен  дә  кызганмый  Резида  Рәфкатовна . Әти-әниләр,  авыл  халкы  арасында гадел,  таләпчән  булуы  белән  хөрмәт  казанды.

   Юбилее  белән  котлап,  аңа нык сәламәтлек, күңел тынычлыгы, гаилә шатлыгы, бәхетле озын гомер  телибез. Укучыларының   рәхмәтен  ишетеп,   хезмәттәшләренең  ихтирамын  тоеп,  гаиләдә  дә,  мәктәптә  дә  үзенең  кирәклеген   белеп, кадер-хөрмәттә  яшәргә   насыйп булсын.

55 ел узып киткән
Сизми-сизелми генә.
Тормыш юлын Сезнең кебек
Матур үтәр кем генә?!
Акыллы да, сабыр да Сез,
Тыйнак һәм итагатьле.
Гомер буйларына сау-сәламәт,
Булыгыз Сез чиксез бәхетле.

Бәрәскә урта мәктәбе укытучылар коллективы.