20 нче февраль көнне Ватанны саклаучылар көне уңаеннан башлангыч сыйныф укучыларының бәйрәм кичәсе булып узды. Әлеге кичәгә аларның әтиләре килгән иде. Укучылар үзләренең өйрәнгән шигырьләрен сөйләделәр, җырлар җырладылар, уеннар уйнадылар һәм үз куллары белән эшләгән кул эшләнмәләрен бүләк иттеләр.
Ватанын яраткан һәм аның киләчәге өчен көч сарыф иткән һәр кешене әлеге бәйрәм белән тәбрик итәбез. Туган ил, туган тел, туган өй сүзләре һәрвакытта да күңелләрдә иң изгеләрдән, иң кыйммәтлеләрдән булсын. Бары тик үз туган иле, үз туган теле, үз гаиләсе белән горур кешеләр генә башка илләрнең, башка телләрнең, башка гаиләләрнең кадерен белә ала. Үз туган илебезне, үз туган телебезне онытмыйк, кадерен белик, Ватаныбыз сагында булыйк!