Бүген Бәрәзә мәдәният йортында, "Ватанны саклаучылар елы"н  ачу чарасы узды. "Ир асылы - ил бизи" дип исемләнгән чарага төрле елларда кайнар нокталарда катнашучылар һәм әлеге вакытта Махсус хәрби операциядән ялга кайтучылар чакырулы иде. Чара барышында килгән кунаклар укучыларга үзләренең хезмәт итү шартлары турында сөйләделәр, укучыларның сорауларына җавап бирделәр. Очрашу укучылар әзерләгән концерт номерлары белән үрелеп барды.