Быелгы уку елында Татарстанда ТР Президенты Рөстәм Миңнеханов инициативасы белән “Мәктәбеңә ярдәм ит!” акциясе уздырылды. Акциянең максаты үсеп килүче буынны тәрбияләү һәм укыту өчен заманча шартлар булдыруда ярдәм күрсәтү һәм, меценат буларак, үзең турында яхшы хатирәләр калдыру. Ленин исемендәге күмәк хуҗалык җитәкчесе Хәйруллин Илгиз Вильдан улыда бу чарадан читтә калмады. Кайчандыр үзе тәмамлаган туган мәктәбенә корычтан коелган матур бизәкле капка һәм мәктәп территориясен әйләндереп алу өчен коймалар бүләк итте. Мәктәп коллективы һәм укучылары Илгиз Вильдан улына ясаган бүләге өчен чын күңелдән рәхмәтләрен җиткерәләр.