Казанның Мәрҗани мәчетендә "Сөембикә энеләре һәм сеңелләре" конкурсында укучыларыбызның катнашулары турында язган идек инде. Менә шул конкурста мәктәбебез укучылары актив катнашканы өчен, Мәрҗани мәчете мәктәбебезнең башлангыч сыйныф укучыларына һәм катнашучыларга зур бүләкләр җибәрде. Катнашучылар китаплар белән бүләкләнсә, башлангыч сыйныфларга дәрестә кулланырга дип дисклар бүләк ителде. "Җырлап - биеп уйныйбыз" дип исемләнгән җырлар җыентыгы һәм "Ярдәм кулын сузу" дигән документаль фильм. Бүләкләрне Хәкимова Лира абыстай тапшырды.