Бер күрешү - үзе бер гомер дип исемләнгән зур кичә булып узды 5 март көнне Бәрәскә урта мәктәбендә. Кичә Бәрәскә авылында беренче мәктәп ачылуга 80, урта мәктәп барлыкка килүгә 40, хәзерге мәктәпнең ачылуына 30 ел булу уңаеннан оештырылды. Кичәгә кунак буларак элек Бәрәскә мәктәбендә укыткан укытучылар, мәктәпне төрле елларда тәмамлаган укучылар чакырулы иде. Очрашу мәктәнең тарихын чагылдыру белән башланып китте. Очрашу барышында килгән кунаклар үзләренең истәлекләре белән уртаклаштылар. Кунаклар укучылар һәм укытучылар тарафыннан әзерләнгән концертны карап хозурландылар. Хатирәләрне барлау табын артында үтте... Шушы очрашуны оештыруда катнашкан барлык укытучыларга, бигрәктә Хәйруллин Илгиз Вилдан улына һәм аның тормыш иптәше Сәрия Мәҗит кызына рәхмәтебезне белдерәбез.