Бәрәскә урта мәктәбендә дини тәрбиягә зур игътибар бирелә. Бу эш хуҗалыгыбыз рәисе Илгиз абый, авылыбыз мулласы Гарәфетдин абый, абыстайлар Лира һәм Люция апайлар тырышлыгы белән алып барыла. Һәр җомга көнне мәктәбебезнең укучылары мәчетебездә оештырылган дин түгәрәгенә йөриләр. Укучылар кечкенәдән дини йолаларны, догаларны һәм иң мөһиме Ислам мәдәнияте җәүһәрләрен белеп үсәләр. Ел да остазларыбызның шәкертләре әдәп-әхлаклы булу һәм дөрес итеп Коръән уку буенча “Сөембикә сеңелләре һәм энеләре” дип исемләнгән ярышта катнашып, югары дәрәҗәләргә ирешәләр.

     Татар халкында бер мәкаль бар : “Арбаның алгы тәгәрмәче нинди эз салып узса, арткысы шуннан тәгәри”. Шулайдыр, Бәрәскә халкы үзенең динлелеге, денлелеге белән аерылып тора.