Бүген "Балачак" та "Талантлылар көне". Үзебезнең барлык талантны без ТНВ каналының "Мәктәп" тапшыруы кллективына күрсәттек. Тапшыруны төшергәннән соң, без ТНВ алып баручылары, продюсер, редакторлары белән җанлы әңгәмә кордык.

Безнең таантлар турында

Сез дә ишетеп белерсез.

Аллабоерса, җәен безне

ТНВ  да күрерсез.

Арабызда кем иң көчле,

Үзе өлгер, җитез дә?

"Иң-иң"нәрне билгелибез:

Рекордлар көне бездә.

Барчабыз теләп катнаштык

"Гиннес-шоу" ярышында.

Бик күп бүләкләр дә алдык

Бу уен барышында.

Начар гадәтләр белән һич

Дус булмаска сүз бирдек.

"Дуслык ярышы"нда уйнап

Рәхәтләнеп ял иттек. 

Бүген лагерьдә Дуслык көне узды. "Наркотикларсыз тормыш" акциясе кысаларында спорт ярышы оештырылды. 

Аллы-гөлле чәчәкләргә

Күмелгән бүген бар да.

Кемдә күпме бантик бар дип

Ашыгабыз санарга.

Көнебез бушка узмады

Әтнәгә бүген бардык.

"Күңелле старт"та катнашып

Дүртенче урын алдык!!!

Бүген лагерьда "Бантиклар көне". Көн азагында иң күп бантик тагучы укучылар бүләкәнделәр. Ә Әтнәдә уздырылган "Күңелле стартлар" ярышы, мөгаен, бүгенге көннең иң күңеле мизгелләре булгандыр.

Колач җәеп каршы алды

Безне "Балачак" иле.

Кабат "синең кочагыңа"

Сагынып килдек сине!

Бүген "Балачак" мәктәп яны лагере үзенең эшен башлап җибәрде!!!