Балаларда кечкенәдән китап белән кызыксыну хисе тәрбияләү .Китапны чиста- пөхтә, сак, карый белергә өйрәтү., карагач үзләренең фикерләре белән уртаклаша белүне камилләштерү өстендә эшләүне дәвам итү.

Балаларга бүлмә гөлләре өчен кирәкле шартлар тудыру турында мәгълүмат бирү; аларга яктылык, ашлау, җылылык, һава кирәклеген аңлату. Бүлмә гөлләренең дә, тере икәнлекләрен күзаллау. Гөлләр үстерүгә кызыксыну һәм теләк уяту.

Балалар уеннарының эчтәлеген баета бару. Аларны мөстәкыйл рәвештә уеннар оештыра белергә өйрәтү. Предметларны чагыштырырга, алар арасындагы аерымлыкларны күрә белергә , гомуми билгеләре буенча берләштерергә өйрәтүне дәвам итү.

Сәламәт буласың килсә, көнеңне иртәнге гимнастикадан башла. Бу эш бездә шулай башлана.

Барыбыз  да  яратабыз,

Физкультура  ясарга.

Бер  уңга  бөгелергә,

Бер  сулга  бөгелергә.

Чүгәләп   тә   алырга,

Аннан  марш  атларга.

Физкультура  ясарга.

Нәүрүз- язны каршылап, язгы чәчү алдыннан  үткәрелә торган халык бәйрәме. Язның көн белән төн тигезләшкән вакыты.

Нәүрүз сүзенең мәгънәсе фарсыча яңа көн дигәнне аңлата. Бу көнне өйдән _ өйгә кереп, теләк теләп, сый- бүләк җыеп йөргәннәр. Йорт хуҗаларына яңа елда саулык- иминлек, кырларга бай уңыш,  озын гөмер теләгәннәр.

Нәүрүз бәйрәме котлы булсын,

Эче тулы нур булсын!

Нәүрүз көен кем көйләсә,

Ул дәртле һәм бай булсын!

Балалар бергәләшеп биергә дә яраталар.

Хуш исле нәфис гөлләр

Үсәләр биек булып,

Утыралар ямь биреп

Бөтен өебез тулып!

Ак чәчәкләр үсәләр,

Ал чәчәкләр үсәләр,

Ал чәчәкләрне тирбәтеп, 

Җылы җилләр исәләр.

Балалар белән пластилиннан куян кызы әкиятен сәхнәләштердек. Бу барыбызга да бик ошады.

Шимбә көнне Арча стадионында ГТО нормативлары тапшыру булды. Без дә бу чарада актив катнаштык.