Дидактик уеннар - балаларны уйланырга, эзләнергә, фикер тупларга, берләштерергә, күнекмәләрне, гадәтләрне тормышта кулланырга ӛйрәтүче һәм тәрбия бирүче кӛчле чараларның берсе. Уен вакытында бала предметларны чагыштырырга, охшаш һәм аерым якларын ачыкларга ӛйрәнә; предметларның үзенчәлекләре: тӛсе, зурлыгы, формасы, сыйфаты белән таныша. Дидактик уеннар тәрбия чарасы буларак та отышлы, чӛнки алар барышында күмәклек, дуслык, игътибарлылык, ярдәмләшү кебек матур сыйфатлар, шулай ук бала күңелендә туган телне, халкыбызның үткәнен, гореф-гадәт, йолаларын ихтирам итү, эстетик зәвык тәрбияли, бәйләнешле сӛйләм күнекмәләрен үстерергә ярдәм итә. Уен ӛчен уңайлы шартлар тудыру игътибар үзәгендә булырга тиеш. Кирәк-яраклар, кулланмалар алдан ук әзерләп куела. Кулланыла торган уенчыклар, җиһазлар балаларның игътибарын җәлеп итә торган ачык тӛстә, матур булсын. Аларны әзерләү, аннары тәртипләп урнаштыру эшләренә балаларны катнаштырырга кирәк. Алар бу вакытта пӛхтәлеккә, чисталыкка ӛйрәнә, әйберләрне саклап тотарга күнегә