26 апрельдә Татарстан Республикасында Туган тел көне билгеләп үтелә, шулай ук бөек татар шагыйре Габдулла Тукайның тууына 140 ел тула. Шушы истәлекле даталар уңаеннан  укучылар көче белән “Тукай яши безнең йөрәкләрдә” дигән әдәби – музыкаль кичә уздырылды. Бәйрәм 7 нче сыйныф укучыларының “Кашыкчылар” ансамбле башкаруында “Бәйрәм бүген” дигән җыры белән башланды. Кичә барышында Г.Тукайнын тормыш юлы искә төшерелде, укучылар шагыйрьнең шигырьләрен сөйләделәр, аның шигырьләренә язылган җырлар җырладылар, шигырьләренә, “Кәҗә белән Сарык”, “Шүрәле” әкиятләренә театральләштерелгән күренешләр күрсәттеләр. Бәйрәм татар халкының гимны “Туган тел” җырын башкару белән тәмамланды.