Тиздән зур бәйрәм Ватанны саклаучылар көне якынлаша. Әлеге илебезнең иң хөрмәтле бәйрәмен барлык шәһәр, авылларда да билгеләп үтәләр. Әфган, Чечня, Осетиядагы сугышлар, башка бәрелешләр, Чернобыль ветераннары, бүгенге көндә ил алдындагы хәрби бурычларын үтәүчеләр дә хөрмәт белән искә алынды. Шуларның берсе Корайван авылында туып-үскән, хәзерге көндә Арча шәһәрендә көн күрүче Шакиров Равиль Ризван улы. Корайван башлангыч мәктәбендә белем алучы укучылар матур открытка бүләк иттеләр, җырлар, шигырьләр сөйләделәр. Олы буынга җылы сүз, аз гына игътибар да зур шатлык бирде. Балаларны чиксез авырлыклар аша үткән сугыш ветераннары белән таныштыру, сугыш еллары газапларын үзләреннән ишетү зур тәрбияви чара булды. Ветеран балаларга үз теләкләрен җиткерде, дөньялар тыныч булып, рәхәттә яшәүләрен теләде. Без илебезгә тыныч тормыш яулап алган кешеләр белән горурланырга тиеш.