Уку елын уңышлы тәмамлау һәм балаларны яклау көне уңаеннан Сарай-Чокырча башлангыч мәктәбе укучылары, әниләр һәм укытучылар  белән табигатькә бардык.   Бу - ял итү, уйнау, яңа нәрсәләр белән танышу, тәҗрибә туплау өчен искиткеч мөмкинлек. Балалар мәктәптән читтә аралаша алуларына шатландылар. Туризм, аралашуның рәсми булмаган шартлары, тәэсирләрнең яңалыгы, романтика һәм маҗаралар рухы һәрвакыт җәлеп итә. Укучылар әйләнә-тирә мохит белән аралашу тәҗрибәсе алдылар,  табигать белән гармониядә яшәргә өйрәнделәр һәм туган якның матурлыгына сокландылар, аны сакларга кирәклегенә төшенделәр, коллективта аралаштылар, табигатьтә үз-үзләрен тоту кагыйдәләре турында белемнәрен киңәйттеләр. Бу сәяхәт бик кызыклы, озакка истә калырлык булды.