«Китап – белем чишмәсе», – дип, халкыбыз юкка гына әйтми шул. Аларда күпме мәгълүмат, гыйлем чыганагы. Китап уку күңелгә шифалы дәва төсле.
Бүген Сарай-Чокырча башлангыч мәктәбе укучылары Югары Курса авылы китапханәсендә булдылар. Балаларны шат күңел белән китапханә хезмәткәре Лилия апалары каршы алды. Укучылар китапларның мөһимлеге, алар белән сакчыл эш итәргә кирәклеге турында зур кызыксыну белән тыңладылар. Шулай ук стеллажларга тезелгән төрле темадагы китапларны зур канәгатьлек белән карап чыктылар. Бу очрашуда балаларга дуслык, бердәмлек, батырлык турында сөйләнде. Балаларны "Җидее энҗе бөртеге" китабы белән таныштыргач, китап буенча төзелгән мультфильм карадылар. Шулай ук, музейга экскурсия ясалды. Ахырдан дин белгече Г.Курсави турында видео карадылар, яшь укучыларга кечкенә бүләкләр дә тапшырылды.
Экскурсия укучыларда чын мәгънәсендә зур тәэсир калдырды.