Сарай-Чокырча башлангыч мәктәбендә язның беренче бәйрәме - 8 Март халыкара хатын-кызлар көне уңаеннан кадерле әниләрне, шулай ук махсус хәрби операциядә катнашучы Ахмедов Рөстәм Сали улының әнисе Гөлзилә апаны, хәрби бурычын үтәгәндә батырларча һәлак булган Галяутдинов Айрат Габделәхәт улының әнисе Мәдинә апаны хөрмәтләү йөзеннән бик матур кичә оештырылды. Укучылар үз куллары белән ясалган открыткаларын, өйрәнгән җырларын- шигырьләрен бүләк иттеләр. Аларны ихлас күңелдән ямьле яз бәйрәме белән котладык! Яз сулышы гаиләләренә муллык, күңелләренә сабырлык, тәннәренә саулык китерсен. Ходай аларны үз рәхим-шәфкатеннән ташламасын, теләкләрен тормышка ашырырга ярдәм итсен, өстәлләре мул, аш-сулары тәмле, көннәре ямьле булсын! Бәйрәм чәй өстәле артында дәвам итте. Ахырдан истәлеккә фотога төштек.