"Килер заман, һәр язучының үзен, сүзен һәм шәхси тормышын инәсеннән җебенә кадәр тикшереп чыгарлар әле." - дип язып калдырган Габдулла Тукай үзенең "Уянгач беренче эшем" дигән әсәрендә. Күңел Тукайга тора-тора кайта. Шагыйрь яшәгән еллардан ераклашкан саен, аның иҗатының бөеклеге, асыл мәгънәсе тагын да куәтлерәк һәм тирәнрәк ачыла бара.
Халыкара Туган тел көне уңаеннан, Габдулла Тукайның тормышы һәм иҗат юлы белән кызыксынуны арттыру, белемнәрне тирәнәйтү максатыннан Сарай-Чокырча башлангыч мәктәбендә "Тукай - безнең йөрәкләрдә" дип исемләнгән әңгәмә-кичә үткәрелде. Тукайның китапларыннан, укытучыларның Тукай турындагы эзләнү эшләреннән, укучыларның Тукай әсәрләренә ясалган рәсемнәреннән күргәзмә оештырылды. Ахырдан укучылар презентация карадылар, викторина сорауларына җавап бирделәр.